సుప్రీంలో కూడా చంద్రబాబుకు చుక్కెదురేగా..?
స్కిల్ డెవలప్మెంట్ కేసులో మాజీ ముఖ్యమంత్రి నారా చంద్రబాబుకు సుప్రీం కోర్టులో కూడా చుక్కెదురైంది.
![](https://treemedia.in/wp-content/uploads/2023/09/image-39.png)
స్కిల్ డెవలప్మెంట్ కేసులో ఏపీ హైకోర్టు.., ఏసీబీ కోర్టుల్లో ఎదురు దెబ్బ తగలడంతో చంద్రబాబు తరుఫున న్యాయవాదులు సుప్రీంను ఆశ్రయించారు. స్కిల్ డెవలప్మెంట్ లో ఎటువంటి అవినీతి జరగలేదని.. కావాలని రాజకీయ కుట్రతోనే చంద్రబాబును ఈ కేసులో అరెస్ట్ చేశారని సీనియర్ సుప్రీం కోర్టు న్యాయవాది సిద్ధార్థ్ లూథ్రాస్పెషల్ లీవ్ పిటిషన్ వేశారు. దీనిపై సుప్రీం కోర్టులో న్యాయమూర్తి సంజయ్ ఖన్నా బెంచ్ ఎదుట వాదనలు విపింపిచారు. ఈ పిటిషన్ విచారణపై జస్టిస్ ఎస్వీఎన్ భట్టి విముఖత చూపారు. ఆ వెంటనే సుప్రీం కోర్టు ప్రధాన న్యాయమూర్తి ముందు మెన్షన్ చేశారు లూథ్రా.
![](https://treemedia.in/wp-content/uploads/2023/09/image-40-1024x639.png)
తక్షణమే లిస్టింగ్ చేయాలని కోరారు లూథ్రా. పిటిషన్ లిస్టింగ్ తోపాటు తక్షణమే మధ్యంతర ఉపశమనం కలింగించాలని అభ్యర్ధించారు. 17-ఏ అనేది కేసు మూలాల నుంచి చర్చించాల్సిన అంశమని పేర్కొన్నారు. స్కిల్ డెవలప్మెంట్ కేసులో సీఐడీ దాఖలు చేసిన ఎఫ్ఐఆర్ ప్రకారం చంద్రబాబు కస్టడీ లో పెట్టకూడనటువంటి కేసని సిద్ధార్ధ్ లూథ్రా తెలిపారు. ఈ కేసులో తాము బెయిల్ కోరుకోవడం లేదన్నారు. జడ్ క్యాటగిరి.., ఎన్ఎస్జీ సెక్యూరిటీ ఉన్న వ్యక్తిని ఇలా ట్రీట్ చేస్తారా..? అని లూథ్రా ప్రశ్నించారు. అలానే ఈ కేసులో ఏసీబీ కోర్టులో సీఐడీ చంద్రబాబును కస్టడీకి అడుతోందని.. దీని నుంచి మినాహాయింపు ఇవ్వాలని సిద్ధార్థ్ లూథ్రా కోరారు.
![](https://treemedia.in/wp-content/uploads/2023/09/image-41.png)
దీనిపై స్పందించిన సుప్రీం కోర్టు ప్రధాన న్యాయమూర్తి చంద్రబాబు క్వాష్ పిటిషన్ పై విచారణ అక్టోబర్ 3కు వాయిదా వేశారు. అంతేకాక సుప్రీం కోర్టుకు రేపటి నుంచి అక్టోబర్ 2 వరకు శెలవు ఉన్న కారణంగా ఈ కేసు వాయిదా పడింది. ఐదు రోజుల తరువాత తిరిగి ఈ కేసుపై సుదీర్ఘ వాదనలు వింటానని సీజేఐ చెప్పారు.