nikhil siddharth remuneration, Karthikeya 2 సక్సెస్ ఎఫెక్ట్..నిఖిల్ రెమ్యూనరేషన్పై చర్చ – nikhil siddharth wants to hiked his remuneration after karthikeya 2 success
![](https://treemedia.in/wp-content/uploads/2022/09/pic-1024x538.jpg)
నిఖిల్ (nikhil siddharth) హీరోగా వచ్చిన కార్తికేయ 2 (karthikeya 2) దేశ వ్యాప్తంగా సంచలనం సృష్టించింది. నార్త్ ఆడియెన్స్ను ఈ చిత్రం విపరీతంగా ఆకట్టుకుంది. ఏకంగా ఈ మూవీ వంద కోట్ల క్లబ్బులో జాయిన్ అయింది. ఈరేంజ్లో సినిమా హిట్ అవ్వడంతో నిఖిల్ ఫుల్ ఖుషీ అవుతున్నట్టున్నాడు. పీపుల్స్ మీడియా ఫ్యాక్టరీ, అభిషేక్ ఆర్ట్స్ సంయుక్తంగా ఈ చిత్రాన్ని నిర్మించిన సంగతి తెలిసిందే. అయితే ఇప్పుడు నిఖిల్ తన రెమ్యూనరేషన్ మీద కొత్త నిర్ణయం తీసుకోబోతోన్నట్టు తెలుస్తోంది.
![Nikhil Karthikeya 2 Nikhil Karthikeya 2](https://static.langimg.com/thumb/msid-93934688,imgsize-74110,width-700,height-525,resizemode-75/nikhil-karthikeya-2-93934688.jpg)
ప్రధానాంశాలు:
- దేశ వ్యాప్తంగా కార్తికేయ 2 హవా
- పాన్ ఇండియన్ రేంజ్లో నిఖిల్ క్రేజ్
- రెమ్యూనరేషన్ పెంపుపై హీరో నిర్ణయం?
అయితే నిఖిల్ హీరోగా వచ్చిన కార్తికేయ 2 కలెక్షన్ల వర్షాన్ని కురిపించింది. కార్తికేయ 2 దెబ్బకు బాక్సాఫీస్ వద్ద భారీ విజయాన్ని నమోదు చేసేసింది. కెరీర్లో మొదటి సారిగా నిఖిల్ వంద కోట్ల మార్క్ చూశాడు. అంతే కాకుండా నిర్మాతలైన అభిషేక్, వివేక్, టీజీ విశ్వ ప్రసాద్లకు కూడా తమ బ్యానర్లలో మొదటి వంద కోట్ల చిత్రంగా నిలిచింది.
ఈ రేంజ్ సక్సెస్ రావడంతో అంతా గాల్లో తేలిపోతోన్నట్టున్నారు. అయితే ఈ మూవీకి దగ్గరదగ్గరగా రూ. 20 కోట్ల బడ్జెట్ అయి ఉంటుందని తెలుస్తోంది. అయితే ఇప్పుడు కార్తికేయ తన రెమ్యూనరేషన్ను అమాంతం పెంచేయాలని చూస్తున్నట్టు సమాచారం. ఇది వరకు నిఖిల్కు ఐదు కోట్లు లోపు తీసుకుని ఉంటాడు. కానీ ఇకపై తన రెమ్యూనరేషన్ను పది నుంచి పన్నెండు కోట్లు ఫిక్స్ చేయాలని అనుకుంటున్నాడట. అసలే ఈ రేంజ్ రెమ్యూనరేషన్ తీసుకునే హీరోల కేటగిరీలో చాలా మంది ఉన్నారు. ఇక ఇప్పుడు నిఖిల్ పెంచిన రేట్లకు నిర్మాతలు ఏమంటారో చూడాలి.
Telugu News App: ఏపీ, తెలంగాణకు సంబంధించిన లేటెస్ట్ అప్డేట్స్, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్ను డౌన్లోడ్ చేసుకోండి.