రామ్ చరణ్, జూనియర్ ఎన్టీఆర్‌లు జెమినీ సర్కస్ చేస్తున్నట్లు ఉంది – RRR సినిమా పై RGV సెటైర్ director ram gopal varma reacts about rrr movie and comments on mani ratnam
అదేవిధంగా తనకు మణిరత్నం సినిమాలంటే అసలు నచ్చవని.. తన సినిమాలంటే కూడా ఆయనకు నచ్చవంటూ వ్యాఖ్యనించాడు రామ్ గోపాల్ వర్మ. ఇద్దరం కలిసి ఒకసారి స్క్రిప్ట్ వర్క్ చేశామని.. తన మాట ఆయన వినలేదని, ఆయన మాట తాను వినలేదన్నాడు. ‘దొంగ దొంగా’, ‘గాయం’ సినిమాలకు తామిద్దరి పేర్లు వేసుకున్నామన్నాడు.
తనకు చావు అంటే భయం లేదంటూ చెప్పుకొచ్చాడు ఈ కింగ్ ఆఫ్ కాంట్రవర్సీ. అయితే మనం మరణించిన తరువాత ఏం జరుగుతుందా..? అని తెలుసుకోవాలని ఆసక్తి మాత్రం తనకు ఉందన్నాడు. ఇంట్లో ఒంటరిగా ఉన్నప్పుడు కరెంట్ పోయి.. కొవ్వొత్తి, లైటర్ ఏవీ లేకపోతే తనకు తాను దెయ్యంగా ఊహించుకుంటానని అన్నాడు. అలా అనుకుంటే మనం ఇక దేనికి భయాపడాల్సిన పనిలేదన్నాడు. తాను చూపించినంత అందంగా అమ్మాయిలను ఎవరూ చూపించలేరని చెప్పిన ఆర్జీవి.. తనకు సినిమాలంటూ ఎప్పటికీ బోర్‌గా అనిపించవన్నాడు.
తాను కాలేజీ డేస్‌లో కమ్యూనిస్ట్‌ భావజాలంతో ఉండేవాడినని.. అయాన్‌ ర్యాండ్‌ పుస్తకాలు చదవడం మొదలుపెట్టిన తరువాత తనలో మార్పువచ్చిందన్నాడు. తనకు వోడ్కాతో పల్లీలు కలిపి తినడం ఇష్టమంటూ చెప్పుకొచ్చాడు ఆర్జీవీ. తానకేమీ తీవ్రమైన కోరికలు ఉండవని.. ప్రతిసారీ తన ఆలోచనలు మారుతూ ఉంటాయని చెప్పాడు. క్షణక్షణం, సర్కార్‌ సినిమా స్క్రిప్ట్స్ మాత్రమే నటీనటులను ఊహించుకుని కథలు రాశానని.. మిగిలినవన్నీ మాములుగానే రాసుకుని తీశానన్నాడు.
